மன்மதன் அம்பு கமல் , நித்யானந்தா மற்றும் பலர்!!

கமல் , நித்யானந்தா மற்றும் பலர்!!

கமல் --> மன்மதன் அன்பு   :

       கமலின் அதி தீவிர ரசிகனா தான் நானும் இருந்தேன். என் சித்தப்பா இன்றும் கமல் நற்பணி மன்ற உறுப்பினர்.. சின்ன வயசுல இருந்தே கமல் தான் சிறந்தவர் , அவர் முன்னாடி ரஜினிலாம் ஒண்ணும் இல்லன்னு என் சித்தப்பா சொல்லியே , விரும்பியும் விரும்பாமலும் , கமலை ரசிக்க ஆரம்பித்தேன்.

            
          என் சித்தப்பா, மன்ற உறுப்பினர் என்பதால், எல்லா கமல் படத்துக்கும் மன்ற token கிடைச்சுரும்... எல்லா படத்தையும் பார்த்து விட்டு வருவோம்... (ஹே ராம் படத்தை இந்த மாதிரி பார்த்துட்டு வந்ததுக்கு வீட்ல திட்டு விழுந்துச்சு  !!!   ஏன்னா  அது A படமாம் )
நான் அதிக முறை பார்த்த கமல் படம்னா அது மைகேல் மதன காம ராஜன் மற்றும் தெனாலி.

              அதெல்லாம் ஒரு காலம்.. எப்போ இந்த பதிவுலகை கவனிக்க ஆரம்பித்தேனோ கமல் பற்றிய  என் எண்ணம் கொஞ்சம் கொஞ்சமாக மாற தொடங்கியது. நான் இவ்வளவு நாள் பார்த்து ரசித்து வந்த கமல் , பல உலக திரைபடங்களை பார்த்து (சுட்டு) தான் பல படங்களை எடுத்து தன் சொந்த சரக்காக விடுகிறார் என்று பரவலாக கமல் மீது குற்றசாட்டு. உலக படங்களை காபி அடித்து அந்த படங்களில் , தானே நாயகனாய் நடிப்பதால் தானோ , உலக நாயகன் நு பெயர் போல!!  (பெயர்  காரணம் !!!)

              மன்மதன் அம்பு படமும் காபி  தான்னு சொல்றாங்க... இருக்கட்டும்..
பொதுவா பெரிய நடிகைகல்லாம் ஏற்கனவே கல்யாணம் ஆன ஒருத்தனை தான் தேடி பிடிச்சு கல்யாணம் பண்றாங்க.. அதன் காரணங்களை தான் மன்மதன் அம்பு அலசுகிறது.. (ச்சே!!! எப்பிடி இப்பிடி... நாங்களும் யோசிப்போம்ல !! )

நித்யானந்தா :

             அந்த சர்ச்சைக்குரிய வீடியோ டேப்பில் இருந்தது ரஞ்சிதா தான்னு நித்தியானந்தாவே  சொல்லிட்டாரு  ... ஆனா அது நான் இல்லன்னு ரஞ்சிதா சொல்றாங்க... என்ன கருமமோ...

இன்னைக்கு தினத்தந்தில வந்த இந்த  போட்டோ பாருங்க.. உண்மைலேயே பாத பூஜை தான் பண்றாங்க!!! அந்த கடவுள் என்ன அருமையா பக்தர்களுக்கு காட்சி தர்ரருனு பாருங்க... நேர்ல இதை பார்த்தவங்க நேரா சொர்க்கத்துக்கு தான் போவாங்க!!!

A .R .ரஹ்மான் :
              

                  இன்று பிறந்த நாள் காணும் ஆஸ்கார் நாயகனுக்கு பிறந்த நாள் வாழ்த்துக்கள்...

காலைல ஹலோ FM கேட்டபோ தான் எனக்கு ஒரு விஷயம் தெரிஞ்சுச்சு, அது என்னென்னா சத்யராஜ் படத்துக்கு நம்ம A .R .ரஹ்மான் இசை அமைச்சு இருக்கார் நு... சத்தியமா இத்தனை நாள் எனக்கு தெரியாது.. ஆனா அந்த படத்துல் எனக்கு ஒரு பாட்டு ரொம்ப பிடிச்சது...

   செந்தமிழ் நாட்டு தமிழச்சியே !! சேலை உடுத்த தயங்குறியே!!!
(படம் : வண்டி சோலை சின்ராசு!! )

ரஜினி--> எந்திரன் :

            வரும் பொங்கல் அன்னைக்கு ஜெமினி டிவியில் " Robo " படம் போடுறாங்க.. சன் டிவி ல அடுத்த தீவாளிக்கு தான் போடுவாங்க போல... ம்ம்ம்...
காதல் அணுக்கள் சாங்-la ரஜினி இப்டி பாடுவாரு...

சனா சனா ஒரே வினா!!!
அழகின் மொத்தம் நீயா?
நீ நீ நியூட்டன் நியூட்டனின் விதியா  ?
உந்தன்
நேசம்  நேசம்  எதிர்வினையா ?
நீ
ஆயிரம்  விண்மீன்  திரட்டிய  புன்னகையா ?
அழகின்  மொத்தம்  நீயா ?


ஒரே வினா கேக்குறேன்னு சொல்லிட்டு , வரிசையா கேள்வி கேட்டுட்டே இருக்காரு..  ஒரு வேளை "ஒரேரேரேரே" வினான்னு சொல்லி இருப்பாரோ ?!!
   
ஓட்டு போடுவது உங்கள் உரிமை !! உங்கள் உரிமையை யாருக்காகவும் விட்டு கொடுக்காதீர்கள். !!

தங்கள் வருகைக்கு நன்றி..

அன்புடன்,
மதுரை பாண்டி

பாஸ் (என்ற ) பாஸ்கரன் ஒரு சிரிப்பு பார்வை

பாஸ் (என்ற ) பாஸ்கரன் ஒரு சிரிப்பு பார்வை

                 படம் வரதுக்கு முன்னாடியே, இந்த படத்துக்கு கூட்டிட்டு போக சொல்லி , என் மனைவி கிட்ட இருந்து அன்பு கட்டளை ... ஏற்கனவே "சர்வம்" படம் கூப்பிட்டு போய் (வேற எதுக்கு!!  தலைவி த்ரிஷாக்காக தான் ) நான் வாங்கி கட்டிகிட்டது எனக்கு தான் தெரியும்.. ஆனா "மதராச பட்டினம்" படம் பார்த்ததுக்கு அப்புறமோ  என்னவோ , "ஆர்யா" படம் பாக்க கூட்டிட்டு போக சொல்லி ஒரே அன்பு தொல்லை.. சரி போகலாம் நு முடிவெடுத்து சென்ற ஞாயிறு போனோம்..

                 குடுத்த காசு வீணா போகல..  கதை நு பார்த்தா ரொம்ப சிம்பிள்.. ஆனா அதை present பண்ண விதத்துல தான் கலக்கிட்டாங்க.. ரொம்ப நாளுக்கு அப்பறம் இப்டி ஒரு சிரிப்பு  படம் பாக்றேன்..             

                    
               ஆனா படம் முடிச்சுட்டு வெளில வந்தப்புறம் , படத்துல உள்ள காமெடி லாம் நினைச்சு பாக்றேன்.. ஒண்ணு ரெண்ட தவிர மத்ததுலாம் நியாகபத்துல வர மாட்டேன்குது.. ஆனா படம் full ah சிரிச்சுட்டு இருந்தேன்,.. அதான் இந்த படத்தை   இன்னொரு தடவ பார்த்தா  கூட விழுந்து விழுந்து சிரிக்கலாம்.. (விழுந்தா எப்டி சிரிக்க முடியும்!!)

         படம் full ah நயன்தாரா கு ஒரே ஒரு வேலை தான்.. அது கீழ உள்ள படத்த பார்த்தா தெரியும்..

                    படத்துல எப்ப பார்த்தாலும் மேடம் சிரிச்சுக்கிட்டே தான் இருக்காங்க.. ஆர்யா அவர சிரிப்பு மூட்டிகிட்டே இருக்காறு... அவ்ளோ தான் !!! ஹீரோ - ஹீரோயின் வேலை ஓவர் இந்த படத்துல...

             சந்தானம் படத்துல வர்ற எல்லா சீன்லயும் சிக்ஸர் அடிக்றார்.. அதிலயும் அந்த "romanace லுக்" , சூர்ய வம்சம் டைப் காமெடி லாம் ரொம்ப சூப்பர்.. கலக்கிட்டாங்க !!! சந்தானத்துக்கு இந்த படம் ஒரு மைல் கல் நு தாராளமா சொல்லலாம்.  Timing காமெடி ரொம்ப நல்லா வந்துருக்கு..

                    எனக்கு ஒரே ஒரு டவுட் தான்... ஒவ்வொரு சீனையும் எத்தனை டேக் எடுத்துருப்பாங்க நு தான்..    இந்த படத்தை எடுக்கிறப்ப சிரிக்காம இருக்கறதே அந்த படத்துல நடிச்சவங்களுக்கு ஒரு சவாலான விசயமா தான் இருந்துருக்கும்..

படத்தின் பிளஸ்:

1. சந்தானம் + ஆர்யா கூட்டணி  
2. காமெடி
3. இயக்கம்

மைனஸ்:

1. நயன்தாரா 
2. இசை
3. இரண்டாம் பாதி - கொஞ்சம் தொய்வு

            

            உதயநிதி ஸ்டாலின் க்கு எங்கயோ மச்சம் போல.. தலைவர் வாங்கி ரிலீஸ் பண்ற படம் லாம் பாக்ஸ் ஆபீஸ் ல நல்லாவே போகுது.. அடுத்து "மைனா" நு ஒரு படத்தை வாங்கி இருக்றாரு .. படம் எப்டி இருக்கும் நு பாக்கலாம்.. 

ஓட்டு போடுவது உங்கள் உரிமை !! உங்கள் உரிமையை யாருக்காகவும் விட்டு கொடுக்காதீர்கள். !!

தங்கள் வருகைக்கு நன்றி..

அன்புடன்,
மதுரை பாண்டி